साखर-खडकवाडी मध्ये कोसळली दरड
पोलादपूर(नितीन कळंबे)- पोलादपूर पासून सुमारे बारा किलोमीटर असलेल्या
खडकवाडी या गावात सकाळी नऊच्या सुमारास दरड कोसळली.
दरड कोसळल्यावर वरून वाहून आलेली माती आणि दगड रस्त्यालगत विखुरले तर काही
झाडे रस्त्यावरच आडवी पडली.कामथे,वडघर,आडवळे,मोरसडे गावांकडे होणाऱ्या वाहतुकीला
अडथळा निर्माण झाला.शाळांवर जाणारे शिक्षक, कर्मचारी,तालुक्याच्या ठिकाणी जाणारे
प्रवासी यामुळे अडकून पडले.सदर परिस्थिती लक्षात घेऊन खडकवाडी येथील शिवमुद्रा
प्रतिष्ठान चे कार्यकर्ते अनिल मालुसरे यांनी गावकऱ्यांना मदतीस घेऊन रस्त्यावर
आलेली झाडे आणि दगड हटवण्याचे काम हाती घेतले गावकऱ्यांच्या मदतीने झाडे तोडून हा
मार्ग तासाभरातच मोकळा केला गेला.
